Concello da Coruña

Concello da Coruña

Servizo de Axuda a Domicilio Básico

Prestación dun conxunto de atencións domiciliarias con carácter personalizado, encamiñadas a reducir as limitacións para as actividades básicas da vida diaria e a socialización.

A quen vai dirixido?:

  • Persoas maiores con dificultades graves na súa autonomía persoal e que presentan limitacións para a realización de determinadas tarefas de carácter persoal ou doméstico.
  • Persoas con discapacidade física, psíquica ou sensorial, que afecte significativamente á súa autonomía persoal, que viven soas ou non poden ser atendidas polas súas familias.
  • Familias con dificultade de atención a menores debido a carencia de hábitos para un bo funcionamento da vida cotiá, carencia de apoios da familia extensa, ou problemas no desenvolvemento da dinámica familiar, dando prioridade a familias con menores de 12 anos.

Organiza:

O servizo estará prestado por algunha das entidades prestadoras de SS.SS. ás que se lles adxudique contrato mediante concurso público.

Requisitos:

  1. Estar empadroados e residir no Concello da Coruña.
  2. Ter limitacións de autonomía que dificulten a realización de actividades básicas da vida diaria.
  3. Ter solicitado, ou facelo xunto á solicitude do Servizo de Axuda a Domicilio Municipal, o recoñecemento do Grao de Dependencia.
  4. No caso de que se trate dunha familia con dificultades de atención aos seus menores, non se necesitará cumprir os requisitos b) e c).

Prazo de presentación:

Durante todo o ano.

Remuneración / Dotación:

Prestación de servizos domiciliarios por un/unha auxiliar de axuda a domicilio.

As tarefas estableceranse no proxecto de intervención individual e adaptaranse ás diferentes casuísticas, pero sempre irán orientadas a atencións domiciliarias de carácter persoal para a realización de actividades básicas da vida diaria.

A temporalidade do servizo estará fixada no proxecto de intervención individual e terá unha intensidade de atención non superior a 6 horas semanais ou 26 horas mensuais para cada persoa beneficiaria.

Máis información:

Os pasos que hai que seguir para conseguir esta prestación son:

1. Acudir presencialmente á Oficina Municipal de Dependencia, Maiores e Discapacidad para unha entrevista co traballador/a social, para valorar a idoneidade desta prestación. Sen cita previa.

(Este paso non é imprescindible, pero si aconsellable para a orientación da necesidade da prestación).

2. Presentar a solicitude e documentación correspondente.

3. Esta prestación require valoración técnica para a súa concesión. Para esta valoración o traballador social realizará unha visita domiciliaria, que se concertará previamente por vía telefónica.

4. A concesión da prestación requirirá a sinatura dun proxecto de intervención onde se recollan as tarefas que hai que realizar e un contrato de prestación de servizos.

Noticias

Prestacións

Subscrición ao boletín de actividades

Novidades

Novidades

Que che parece esta sección?

-101-101-101

Síguenos en

Tes un navegador demasiado antigo!

Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible

Iniciar sesión