Presentamos un conxunto de talleres prácticos que supoñen unha actividade dinámica, estimulante e formativa. As actividades están dinamizadas por un equipo de educadoras/es especializadas/os no campo do consumo responsable e coa coordinación da OMIC.

Os diferentes talleres están organizados segundo as distintas etapas educativas; deste xeito, as persoas responsables da docencia poderán escoller aquelas actividades máis adecuadas ao desenvolvemento curricular correspondente.

OBXECTIVOS

O obxectivo da educación da persoa consumidora é ensinarlle á cidadanía a destreza, a actitude e o coñecemento necesario para vivir nunha sociedade baseada no consumo. Trátase dun compoñente fundamental da educación xeral, o cal debería apoiar as persoas consumidoras á hora de tratar de organizar as súas vidas cotiás dunha maneira sustentable.

A educación a persoas consumidoras proporciona o coñecemento necesario para concienciar en comportamentos responsables e intelixentes nas súas relacións de consumo.

Os numerosos temas sobre a educación para o consumo pódense abordar con practicamente todas as materias de ensino e plans de estudo tradicionais.

1. Alimentación e consumo
2. Publicidade
3. Consumo consciente, colaborativo e responsable
4. Compras seguras
5. Consumo responsable das tecnoloxías
6. Menores e consumo
7. Dereitos e deberes das persoas consumidoras