O Planetario da Casa das Ciencias acolle a estrea pública de «CEREBRAL IV: Solve et Coagula», unha proposta de vangarda creada por ATHAL (Alberto Castaño) e UROK (Óscar Domínguez), deseñada especificamente para o formato de proxección inmersiva en cúpula.

CEREBRAL é unha performance artística e biotecnológica pioneira na que as ondas cerebrais do artista, captadas mediante un dispositivo EEG (electroencefalografía) - BCI (brain computer Interface) utilízanse para xerar e manipular son e visuais en tempo real. Unha viaxe profunda a través de paisaxes sonoras e visuais xenerativos, que mestura música experimental, arte e ciencia.

Haberá dous pases, ás 20:00 h e 21:30 h.