Este ciclo de charlas de divulgación científica, coordinado pola profesora Ana González Tizón e a Biblioteca Fórum Metropolitano, xurde da colaboración da Asociación de veciños de Oza, A Gaiteira e Os Castros e o Grupo de divulgación científica e innovación docente da Universidade da Coruña, UDCiencia i+d. 

Este grupo vén desenvolvendo unha intensa actividade no campo da divulgación científica, a innovación docente e a aprendizaxe-servizo.

O programa nace con vocación de permanencia. Será o último luns de cada mes ás 19 h. na Biblioteca Fórum, con acceso libre até completar capacidade.

O luns 28 de Marzo temos a primeira charla do programa:

Bosques ou plantacións? A perda de biodiversidade en Galicia

Con Carlos Alcalde Azpiazu e Juan Pinto Lojo

A biodiversidade do planeta está a perderse a pasos axigantados en todo o mundo debido ás actividades humanas. En Galicia, está perda está a suplirse con plantacións de diversas especies. Cales? Que supón isto? Recuperaremos biodiversidade ou pola contra perderase aínda máis?

• Carlos Alcalde Azpiazu

Ola, son Carlos Alcalde, biólogo e estudante de máster na UDC, aínda que todos sabemos que estou aquí pola divulgación e a xente. Gústanme moito os videoxogos, de feito considérome gamer, aínda que tamén a lectura, o cinema (sobre todo películas de superheroes, o meu favorito é Thor) e sobre todo a festa (sen tele e sen cervexa, Carlos perde a cabeza).

• Juan Pinto Lojo

Son estudante de Bioloxía e Química, con especial interese na Bioloxía molecular e a Biotecnoloxía. Proximamente, gustaríame converterme en profesor e transmitirlles aos meus alumnos o interese científico que, algunha vez, transmitíronme a min, dunha forma amena e sinxela. No meu tempo libre gústame ler, escribir e debuxar, escoitar música... saír de paseo (especialmente, pola natureza)... pero sobre todo, gústame pasar o tempo rodeado da miña familia e amigos.