Mostra do artista Manuel Suárez composta por 14 pezas sobre lenzo ou táboa e que explora a liberdade creativa cun especial interese pola evocación do natural e o salvaxe como vehículo cara ao sentimento e a reflexión.

Manuel Suárez é, sen dúbida, un dos nomes propios desa escena vibrante que pon A Coruña no foco da creatividade. A súa inconfundible man vese, sente neste cuarto no que Suárez proponse a tarefa de transportarnos a lugares que non sabiamos que existían. As obras convértense así na verdadeira porta de entrada á fábula "unha fábula que non existe e que, probablemente, non ten outro ensino que esta verdade universal: se te dedicas á arte, deber ser completamente libre; doutra maneira, algo non funciona", palabras de Suárez, que tamén é o comisario da exposición.

A través desta parede principal, accédese a uns xardíns cheos de calma: descanso, luz, calor, atardecer estival, gozo. Con esta mirada, Suárez propne unha viaxe particular e profunda cara un "proceso creativo no que as fábulas se pechan con ensinos de libre elección ou mesmo, con ausencia destas; co sentimento radical de contemplar algo que acende unha pequena chama nalgún lugar do noso interior", en palabras de .. Inés Rey