Vooyeur é unha comedia sexual guiada por Lilith, mestra de cerimonias, que xira arredor de varias escenas eróticas tratadas con moito humor. As persoas espectadoras converteranse en voyeur, e desde a súa butaca poderán rir con distintas situacións que lles farán sentirse identificadas cos personaxes. Os dilemas de parella, os tríos, a escuridade... Cada escena de Vooyeur é independente e os personaxes son diferentes peo todos comparten un trazo común: viven situacións con moita tensión sexual... que se resolven con moito humor.

O espectáculo arrincou con grande éxito na primavera de 2015 no Teatro Galileo de Madrid e pasou tamén polo Teatro Infanta Isabel e o Pequeno Gran Vía.

A autora da obra, Patricia Jordá, é psicóloga e sexóloga ademais de actriz, e concibiu unha obra na que se estimulaba non só a imaxinación dos protagonistas, senón tamén a das persoas espectadoras. A montaxe aborda esas intencións desde un punto de vista sexual, canalla, cómico e moi carnal. «A nosa experiencia expón unha idea de sexualidade global, que transcende os límites do corpo para conquistar o terreo da imaxinación, a creatividade e o xogo. Así, preténdense superar conceptos arcaicos que reducen o encontro sexual á xenitalidade e ao coito, abrindo unha marxe á experimentación a través de todos os sentidos e da expresión artística», asegura Jordá.

O personaxe de Lilith interprétao a propia Jordá, unha muller que os evanxeos apócrifos descubriron e que a historia se ocupou de ocultar. Jordá estará acompañada no escenario polos intérpretes Ían Malo, Fabia Castro, Alda Lozano e Rodrigo Ramírez.

Venda de entradas:

Despacho da praza de Ourense: de luns a venres de 9.30 a 13 e de 16.30 a 19.30 h

Despacho do Ágora: só días de función desde unha hora antes do espectáculo

En liña: Ataquilla.com