Os concertos de Joaquín Sabina previstos no Coliseum da Coruña este venres 2 e o domingo 4 de xuño posporanse ata mediados de xullo por problemas de saúde do artista.

Sabina presenta un cadro gripal agudo de larinxite e afonía que lle obriga a manter repouso domiciliario por un período de entre cinco e sete días, polo que as actuacións programadas para esta semana, no contexto da xira 'Contra todo pronóstico' do cantautor andaluz, terán lugar o venres 14 e o domingo 16 do vindeiro mes de xullo.

As entradas previamente adquiridas son válidas para as novas datas. Neste sentido, os pases para o concerto do venres 2 de xuño serán válidas para o 14 de xullo, e as entradas correspondentes para a actuación prevista inicialmente este domingo 4 de xuño terán validez para o domingo 16 de xullo.

Aquelas personas que non podan asistir ás novas datas poderán solicitar a devolución do importe das entradas dirixíndose á canle pola que adquiriron as entradas, antes do 19 de xuño.