26 de maio de 2020
O Goberno local ofrece 7.475 prazas para que as familias poidan conciliar durante estes meses
O concello abre mañá o plazo de inscrición para os campamentos de verán que comezarán o 22 de xuño. A preinscrición será telemática e facilitarase axuda telefónica a través do 010. O Goberno local ofrece 7.475 prazas en quendas de 15 días para que as familias poidan conciliar e que as/os pequenos e a mocidade desfruten do deporte, da natureza, da música e da ciencia.
Desde o concello informan que terán preferencia as/os empadroadas/os no Concello da Coruña, familias monoparentais, e aquelas/es cuxos proxenitores estean ambos traballando ou teletraballando.
-Preinscrición: 27, 28 e 29 de maio
-Listas de preinscritas/os: 30 de maio ás 10.00 h, nas webs municipais e 010
-Posibles reclamacións das listas de preinscritas/os: 30 e 31 de maio e 1 de xuño
-Sorteo: 3 de xuño. Consultar en cada centro o seu horario.
-Listas de persoas admitidas e de espera: 9 de xuño ás 10.00 h, nas webs municipais e 010
-Inscrición e aboamento da cota: 10, 11 e 12 de xuño
-Xestión das listas de espera: do 13 ao 19 de xuño
-Inicio dos campamentos: a partir do 22 de xuño ou 1 de xullo, en función de modalidades e espazos, segundo a oferta de cada sevizo.
MODALIDADES
Benestar Social. Os centros cívicos disporán de 2.625 prazas dirixidas á cativada de 4 a 12 anos e haberá prazas para nenas/os con necesidades educativas especiais ou con algunha discapacidade. Ofrecerá ademais 100 vacantes sin custo en campamentos, que terán lugar en xullo no polideportivo de Labañou.
Consorcio para a Promoción da Música. Ofrecerá no Centro Ágora 60 prazas para pequenas/os e mocidade de entre 6 e 17 anos en catro quendas nos meses de xuño e agosto.
Servizo municipal de Deportes: Ofertará 700 prazas para rapazas e rapaces de entre 6 e 13 anos sen custo en campamentos na Cidade Deportiva de Riazor e nos polideportivos de Novo Mesoiro e Sagrada Familia, e actividades nos campos de fútbol.
En colaboración coa Federación das ANPA da Coruña, 2.430 alumnas/os de Educación Infantil e Primaria poderán desfrutar de actividades nos CEIP Alborada, Curros Enríquez, Emilio Pardo Bazán, Juan Fernández Latorre, Manuel Murguía, Rosalía de Castro, San Pedro de Visma, Sanjurjo de Carricarte e Wenceslao Fernández Flórez e contarán coa opción de madrugadores, con ou sen almorzo, e servizo de comedor.
IMCE. Ofrecerá 1.350 prazas para nenas/os de 4 a 12 anos no Fórum Metropolitano e o Centro Ágora. Haberá prazas reservadas para a cativada con necesidades educativas especiais ou con algunha discapacidade.
Museos Científicos. Acollerán a 150 mozas e mozos de entre 12 e 17 anos na Domus e no Aquarium Finisterrae.
OMIC (Oficina Municipal de Información ás persoas Consumidoras). 60 prazas de custo gratuíto para cativas/os de catro a dez anos.
Para máis información: https://www.coruna.gal/web/gl/actualidade/axenda/campamentos-veran-2020
8 resultados
O 15 de mai de 2024
O prazo para participar rematará o vindeiro domingo 26 de maio
O 12 de mai de 2024
A xornada comezou ás 10.00 horas coa saída das e dos inscritos en categoría absoluta, que completaron un percorrido de case 6,5 quilómetros a través da estrada de Visma a Mazaído e o parque de Bens
O 18 de abr de 2024
A concelleira de Medio Ambiente, Noemí Díaz, fíxolle entrega das bolsas individuais, tamén dispoñibles para a súa recollida no Centro Cívico
O 16 de abr de 2024
As persoas interesadas en apuntarse a esta proba e ao conxunto do circuíto poderán facelo ata o 5 de maio
O 7 de abr de 2024
O concelleiro de Deportes, Manuel Vázquez, participou no acto de entrega de premios ás e aos gañadores
O 13 de mar de 2024
A Coruña foi a única cidade galega en crear unha oficina específica de atención ás persoas que fuxían da invasión rusa
ver máis
Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible