Este emblemático edificio, situado no acceso principal da cidade e con deseño vangardista, acolle todo tipo de espectáculos musicais, eventos deportivos, de entretemento e corporativos.

O Coliseum foi inaugurado o 19 de maio de 1991 e desde entón converteuse na sede dos grandes espectáculos que se celebran en Galicia, e pioneira en España como recinto multiusos.

DATOS DE INTERESE Trátase dun edificio singular pioneiro en canto á súa concepción e polivalencia funcional. A súa base é circular, dispoñendo dunha altura máxima ao arco da cuberta de 32,50 m. Pista central (1.900 m²) para usos múltiples (cancha deportiva, praza de touros, auditorio para macroconcertos, congresos, feiras de mostras). Aforamento para concertos: 8.500 persoas. Acolle a sala de ensaio da Banda Municipal de Música, cabinas de ensaio para músicos locais, unha base do Servizo Municipal de Protección Civil, unha sala de estudo e un depósito de pezas do Museo Arqueolóxico.