Atención, donas e cabaleiros, cativas e cativos, chega á vosa vila a libraría máxica. Nela, dous simpáticos libreiros, interpretados por Bea Campos e Marcos Alonso, ofrecerannos o libro perfecto grazas á súa capacidade de atopar o conto necesario para cada persoa e ocasión! A libraría máxica é un espectáculo para toda a familia, unha divertida peza teatral que lles rende homenaxe ao pequeno comercio e ás tendas de barrio, e que lles achega aos nenos e ás nenas o amor pola literatura e a lingua galega. 

A actividade desenvolverase no escenario do auditorio do Centro Ágora e haberá dous pases: 

• "A libraría máxica", de Inventi Teatro, ás 17.00 h (auditorio)
• "A libraría máxica", de Inventi Teatro, ás 18.30 h (auditorio)

Hai que se inscribir previamente no horario escollido en https://www.coruna.gal/lingua/gl/axenda/proximas-inscricions

Pídese puntualidade. Non se permitirá acceder ao auditorio unha vez que comece o espectáculo.

Organiza Normalización Lingüística do Concello da Coruña dentro do programa Apego.