A primeira e segunda das sesións celebraránse na Biblioteca Municipal de Estudos Locais, e nelas contextualizarase e presentarase o desenvolvemento e traxectoria destas dúas institucións. (2 horas)

A terceira sesión levará aos participantes á sala de porxeccións do CGAI, onde poderán ver un documental e diversas imaxes sobre o tema en cuestión e que serán comentadas polo especialista. (1 hora)

Carlos González Guitián é doutor en Historia pola Universidade de Valencia e licenciado en Xeografía e Historia pola Universidade de Santiago de Compostela.

Ao longo da súa carreira profesional compaxinou a docencia como profesor asociado da Universidade da Coruña coa xestión de sistemas de información sanitaria, destacando o seu labor como xefe de servizo da Biblioteca do CHUAC e coordinador de Bibliosaúde, a Biblioteca Virtual de Ciencias da Saúde do Sergas. Así mesmo, foi cofundador e impulsor do portal sanitario Fisterra.com.

Como investigador, é autor dunha ampla produción científica centrada na documentación científica e na historia da medicina. Entre os seus traballos destaca a obra sobre a Real Expedición Filantrópica da Vacina, da que é coautor xunto con Fausto Galdo, así como diversos estudos sobre as institucións sanitarias da Coruña, entre elas o Lazareto de Oza e o Sanatorio Marítimo de Oza.