Andrómaca, quizais a única muller á que Homero, na Ilíada, eleva á categoría de "heroína", gozou sempre de respecto dos dramaturgos. Eurípides dedícalle un extraordinario "treno" por Astianacte nas Troianas e aquí permítelle protagonizar unha das súas traxedias.

Andrómaca, con todo, mantén as mesmas pautas que na Ilíada e nas Troianas: a muller forte e valente que afronta a adversidade cunha serenidade digna dos estoicos. Capaz de enfrontarse ela soa, tanto á raíña Hermíone como a Melenao, "rei de Esparta", para defender a súa honra e o seu novo fillo, Moloso, un segundo Astianacte, unha segunda esperanza de manter vivo o facho da lendaria e derrotada Troia...

Dirección: Ricardo Martín