La Ternura conta a historia dunha raíña algo maga e as súas dúas fillas, princesas, que viaxan na Armada Invencible obrigadas por Felipe II a casar en matrimonios de conveniencia con nobres ingleses unha vez que se lograse con éxito a invasión de Inglaterra. A Raíña Esmeralda odia os homes porque sempre condicionaron a súa vida e quitáronlle a liberdade, así que non está disposta a que as súas fillas teñan o mesmo destino ca ela. Cando a Armada pasa preto dunha illa que a Raíña considera deserta crea unha tempestade que afunde o barco no que viaxan. O seu plan é quedar a vivir nesa illa coas súas fillas para non volver ver un home na súa vida. O problema é que elixen unha illa na que desde hai vinte anos viven un leñador cos seus dous fillos que fuxiron alí para non volver ver unha muller na súa vida. En canto a raíña e as dúas princesas descobren que non están soas vístense de homes para protexerse. E aquí comezan as aventuras, as leas, os namoramentos e as confusións. Almas atormentadas, plans e requebros, corazóns salvaxes, desexos, tremores, visións, xogos, enganos, relacións imprevisibles, enfados, beleza, confianza, maxia, enredos, aire, terra, tormentas, esconxuros, tolemia, celos, amores eternos, inocencia... En definitiva, TENRURA

Con Paco Déniz, Elena González, Natalia Hernández, Javier Lara, Juan Antonio Lumbreras, Eva Trancón.

Texto e dirección: Alfredo Sanzol

Teatro de la ciudad en coprodución con Teatro de la Abadía

Venda de entradas

Despacho de billetes Central, praza de Ourense: de luns a venres de 9.30 a 13 e de 16.30 a 19.30 h

Despacho de billetes do Teatro Rosalía: só días de función, de 16 a 20 h

Televenda: 902 044 226