Modulartec-Vortex é unha homenaxe ás sesións experimentais que naceron en 1959 no Morrison Planetarium de San Francisco, e que continua coas sesións inicadas no ano 2018 no Planetario da Casa das Ciencias, potenciadas recentemente polos novos proxectores dixitais que permiten a creación de visuais en tempo real.

A primeira sesión deste novo ciclo estacional terá como protagonista a Marta Zapparoli e VJellypin.

Marta Zapparoli é unha artista sonora, radiofónica, performer e investigadora independente italiana afincada en Berlín. Nos últimos anos, o seu traballo centrouse en explorar a intersección entre os aspectos visibles e invisibles da física, buscando activar as súas dimensións poéticas e conceptuais.

Realiza gravacións propias e únicas da "contorna enerxética" que nos rodea, incluíndo radiación electromagnética procedente tanto de fontes naturais como tecnolóxicas, como fenómenos naturais (sinais de radio natural VLF, fontes radioastronómicas como as estrelas, o Sol e as auroras boreales), como de fontes tecnolóxicas (electro-smog, sinais inalámbricos e outras formas de comunicación mediante ondas de radio).

VJellypin (Transnoise/Biotranslab) traballa a imaxe como un organismo líquido e cambiante. As súas pezas constrúense a partir de sinais que se filtran, contamínanse e transfórmanse. O erro convértese nunha ferramenta expresiva. Non hai formas fixas nin xerarquías visuais, só capas, resonancias e interferencias en constante mutación. Circuítos, residuos dixitais e abstraccións vibran no espazo. A materia tecnolóxica disólvese e recomponse. Cada proxección é inestable e irrepetible. Unha experiencia onde o tecnolóxico desbórdase.