O Concello da Coruña organiza anualmente unha xornada de portas abertas nos estudios de artes plásticas da cidade baixo o nome de Estudios Abertos. Esta iniciativa reunirá o 6 e 7 de xuño a numerosas persoas artistas en 55 espazos da cidade, que lles amosarán aos coruñeses e coruñesas o seu traballo.

Participarán profesionais das diferentes disciplinas artísticas: escultura, pintura, fotografía, ilustración, debuxo, cerámica ou multidisciplinar. O acceso para a cidadanía é gratuíto e os estudios contarán con programación propia durante toda a xornada, que incluirá a participación de artistas invitados/as e outras sorpresas.

O obxectivo desta xornada é coñecer de primeira man os/as artistas coruñeses/as, os seus centros de traballo e creación e os seus procesos creativos. Son todos eles e elas profesionais radicados/as na cidade e que desenvolven o seu traballo nela.