Baixo o lema "Sinte en galego: Letras Galegas 2023", as bibliotecas municipais queremos convidar á veciñanza a sentir en galego, organizando diversas actividades a partir do venres 12 de maio e ata o venres 19 onde o galego será o epicentro da festa. As bibliotecas visibilizamos o compromiso coa lingua e literatura de noso ao longo do ano, pero estes días en especial ofertamos contacontos, obradoiros, monicreques e outras actividades para diversas idades.
De 5 a 12 anos
Familias
Infantil, Familias
16/05/2023
Xa rematou
Entrada libre
De 18.00 a 19.30 horas
Biblioteca Municipal Durán Loriga. Rúa Durán Loriga 10, Bj. 15003 A Coruña
981184388
Na Biblioteca Municipal Durán Loriga contamos con Halimah Salabi (cantareira de Pan sen Fron) e David Carballal (ilustrador e editor de Pequena fauna). Ambos descubrirannos a través das cantigas, os debuxos e as pandeiretas o mundo agochado no Cantigueiro de Cotobade.
Un libro cunha vintena de cantigas incluídas no Cantigueiro de Cotobade, recompilado por Antonio Fraguas, nas cales os protagonistas son os animais: os de compaña, como o can ou o gato; os de granxa, como a vaca ou o galo; e os salvaxes, como o raposo ou o moucho. Unha pequena fauna que reflicte as querenzas e temores daqueles que un día cantaron por terras de Cotobade, e que son tamén as de todo o pobo galego.
Esperámosvos!!!
Tamén che pode interesar
Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible