O 17 de decembro de 2019 a Unión Astronómica Internacional designou oficialmente co nome Rosalíadecastro a unha estrela na constelación do Serpentario. No quinto aniversario deste fito histórico, o mércores 18 de decembro realízase unha actividade na Casa das Ciencias na que Martin Pawley, promotor da campaña dende a Agrupación Astronómica Coruñesa Ío, contará historias da astronomía a través dos textos de Rosalía de Castro, nunha sesión especial de planetario arredor da escritora e da súa estrela.

A actividade é de entrada libre ata completar a capacidade da sala. As entradas empezaranse a repartir a partir das 19.15 h na recepción da Casa das Ciencias. Non se permite a entrada unha vez iniciada a actividade.