Celebrou a súa primeira exposición de pintura na galería Sementeira de Noia (A Coruña) en 1985. Dende entón, realizou múltiples exposicións en Galicia (Vigo, Ferrol, Lugo, Ourense, Pontevedra, A Coruña...), así como en Madrid (Casa de Galicia) e Barcelona (Sala Barna). Participou en feiras internacionais en Portugal, Holanda (A Haia) eAlemaña (Frankfurt). Como gravadora participou en numerosas exposicións colectivas na Coruña, Sada, Noia, Ribeira...

         Esta exposición amosa o traballo da artista nestes últimos anos, e nela o visitante atopará pezas nas que Clara F. Marín emprega novas técnicas, como o gravado, cunha importante colección de monotipos. A temática do gravado é abstracta, pero cun xogo decolorido similar ao empregado nos óleos tamén presentes na exposición. Son as dúas caras dun mesmo cromatismo -tan característico da artista- que o visitante poderá atopar nos óleos e nos gravados que dan nome á mostra.