Neste libro-disco conta coa colaboración de Pablo Milanés, Rosa Aneiros e Yolanda Castaño, ademais dun videoclip de Jairo Iglesias

En 'Mareira', Bea a de Estrela reconstrúe a vida da súa tía María Pérez Grobas, emigrante e viúva do compositor do tango 'A media luz'

A cantautora galega Bea a de Estrella presenta o seu novo traballo cun concerto no Centro Ágora, acompañada por unha banda de seis persoas e mesmo un cuarteto de corda. Trátase dun libro-disco que combina música e literatura, e que foi posible grazas á colaboración de 209 micromecenas que achegaron case 9.000 euros a través da plataforma Verkami. Estaba baseado na historia de María Perez Grobas, tía de Bea a de Estrella, emigrada a Bos Aires en 1927, e viúva do compositor Carlos César Lenzi, autor do famoso tango "A media luz".

En Mareira, Bea a de Estrella contou coa colaboración de Pablo Milanés no tema que dá nome ao disco, coa música africana de Mü Mbana e co talento literario de Rosa Aneiros, que reconstrúe a historia de María Pérez Groba, e de Yolanda Castaño, nos versos. Ademais, o realizador Jairo Iglesias que acaba de gañar un Mestre Mateo por Origen, encargarase da dirección do videoclip, que se presentará en exclusiva no concerto do Ágora. Trátase, xa que logo, dun traballo multidisciplinar, no que diferentes formas de expresión artística orbitan arredor da música e a emoción. E así trasladarase ao escenario o vindeiro 8 de abril, nunha actuación na que haberá un recital poético de Yolanda Castaño, danza e unha intervención artística na que son e pintura dialogarán.

VENDA DE LOCALIDADES

• Venda en liña: Ataquilla.com
• Venda no despacho de billetes do Centro Ágora unicamente os días de concerto desde unha hora antes (sempre que queden localidades dispoñibles)
• Venda no despacho de billetes central da praza de Ourense: de luns a venres das 11.00 h ás 15.00 h e das 16.30 ás 19.30 h (excepto festivos)