CONDICIÓNS PARA PARTICIPAR NOS OBRADOIROS

PREINSCRICIÓN: 7, 8 e 9 de setembro.

Formulario de Fórum:

https://forms.gle/cGYkHyw6s57bD5qY6​

Formulario de Ágora:

https://forms.gle/FPkRCPzcNXKXsBJu8

PUBLICACIÓN DAS LISTAXES DE PREINSCRICIÓN: o 12 de setembro, ás 9.00 h, na páxina web municipal (www.coruna.gal ), na de Cultura (www.coruna.gal/cultura) e no servizo telefónico 010.

PRAZO DE RECLAMACIÓNS SOBRE AS LISTAXES DE PREINSCRICIÓN: 13 e 14 de setembro, a través do correo electrónico a forumagora@serviplus.org.

SORTEO PÚBLICO: o xoves 15 de setembro, ás 10.00 h, nas conserxerías de ambas as sedes.

• NÚMERO RESULTANTE DO SORTEO DE FÓRUM: 1470 
• NÚMERO RESULTANTE DO SORTEO DE CENTRO ÁGORA: 550 

PUBLICACIÓN DAS LISTAXES DE PRAZAS ADXUDICADAS E DAS LISTAXES DE AGARDA: o luns 19 de setembro, ás 9.00 h, na páxina web municipal e na de Cultura e no servizo telefónico 010.

PAGAMENTO DA COTA: os días 19, 20 e 21 de setembro.

MODO DE PREINSCRICIÓN:

Farase de forma telemática, a través da páxina web www.coruna.gal/cultura. Facilitarase axuda telefónica a través do teléfono 624 195 402 (de 9.00 a 14.00 h e de 16.00 a 20.00 h) no caso do Fórum Metropolitano e a través do teléfono 613 305 903 (de 9.00 a 14.00 h e de 16.00 a 20.00 h) no caso do Ágora, para aquelas persoas que non teñan correo electrónico ou dificultades de acceso a Internet.

• Iniciarase o día 7 de setembro a partir das 9.00 h e rematará o día 9 de setembro ás 20.00 h.

Todas as inscricións que teñan data de envío anterior ou posterior aos días e horas indicados non serán tramitadas.

• Poderá inscribirse nun máximo de dous obradoiros. Tendo en  conta que na adxudicación se respectará a orde de preferencia fixada pola persoa solicitante, e esta non poderá ser modificada unha vez que se realice o sorteo.
• Unha vez que se realice a inscrición recibirá no seu correo electrónico a resposta con todos os datos que apuntou. Comprobe que son correctos e garde a copia como xustificante.
• No caso de non dispoñer de correo electrónico, poderá consultar os seus datos nas listaxes de preinscrición (que se publicarán o 12 de setembro na páxina web).
• Nestas mesmas listaxes poderá coñecer o número designado para o sorteo público.

ADXUDICACIÓN DE PRAZAS ÁS LISTAXES DE AGARDA:

Contactaremos telefonicamente coas persoas das listaxes de agarda para confirmar que continúan interesadas en inscribirse nos obradoiros que solicitaran.

Nunha primeira volta: o día 26 de setembro; e na segunda volta: o día 28 de setembro.

Realizaranse tres intentos de contacto telefónico a diferentes horas do mesmo día. De non se conseguir a comunicación, pasarase á seguinte persoa da listaxe de agarda.

PAGAMENTO DAS PRAZAS ADXUDICADAS DAS LISTAXES DE AGARDA: as da 1.ª volta, o 26 ou 27 de setembro; e as da 2.ª volta, do 28 ou 29 de setembro.

ADXUDICACIÓN DAS PRAZAS VACANTES: a partir do venres 30 de setembro volverá abrirse o formulario de inscrición na web para o público en xeral, e farase O PAGAMENTO do mesmo xeito que o resto, ata esgotarse.

PAGAMENTO DA COTA:

 Do 19 ao 21 de setembro (os tres días incluídos).

A cota correspondente aboarase mediante transferencia á conta núm. ES76 2080 0036 6230 4002 1977. Enviarán o seu comprobante por correo electrónico a forumagora@serviplus.org, xunto co núm. do DNI/NIE, o nome da persoa participante, centro (Fórum ou Ágora) e o/os obradoiro/s aboado/s.

As persoas que teñan dificultades en realizar a transferencia "en liña" o non dispoñan de correo electrónico, poderán realizar o pagamento da cota mediante tarxeta de crédito (ou efectivo), presencialmente no Fórum os días 19 e 20 de setembro, de 16.00 a 20.00 h, ou depositar nas conserxerías unha copia da transferencia bancaria en papel xunto co núm. do DNI/NIE, o nome da persoa participante, e o/os obradoiro/s aboado/s.

 No caso de non se realizar o pagamento nos ditos prazos a praza quedará vacante, e serán chamadas as persoas solicitantes da listaxe de agarda para cubrila.

Se unha vez aboada a cota non fose posible realizar o obradoiro, só se devolverá o seu importe se se cobre a praza con outra persoa solicitante, coa data límite do venres 14 de outubro.

Os obradoiros só se porán en marcha cun mínimo de 12 participantes.

INICIO E REMATE DOS OBRADOIROS:

Comezarán a partir do 3 de outubro e rematarán do 19 ao 23 de decembro, no día e hora que corresponda a cada obradoiro.