O Centro Sociocultural Ágora acolleu esta tarde a segunda edición do concurso Torre 67 Fest, unha iniciativa organizada pola Escola Municipal de Música (EMM) que busca visibilizar a área de música moderna e, de paso, achegar á cidadanía o traballo e talento do alumnado da EMM. 

A alcaldesa, Inés Rey, presidiu o xurado desta segunda edición e destacou "o altísimo nivel que ten o alumnado da EMM, amosando o traballo levado a cabo polo equipo docente e visibilizando a importancia de contar con servizos municipais e culturais de formación". Un total de dez agrupacións participaron neste concurso. Rey, ademais, anunciou que o evento se integrará na programación de actividades culturais nos escenarios da cidade.

Jazzy Tower foi a formación gañadora, obtendo o dereito a representar á área de música moderna na Gala da EMM, un concerto que se celebrará no Teatro Colón o 8 de maio. Os combos participantes nesta xornada foron: 'O bigote de Dalí', 'O camiño de Hércules', 'Starband', 'Red Shoes', 'Black Shadow', 'Jazzy Tower', 'Voltavia', 'El combo de Manuela', 'Las Cookies' e 'Combo Number Five'.

Ademais de El Combo de Manuelaa, tamén foron premiados Voltavia como segundo clasificado e Combo Number Five como terceiro. O premio do público foi para El Combo de Manuela.