O Concello publicou a lista de mercados sostibles ao aire libre que organizará nos primeiros meses do 2026. Entre xaneiro e abril, realizaranse un total de doce, tres por mes, que achegarán os produtos do pequeno comerciante e a economía circular a diferentes puntos da cidade. 

O primeiro do ano chegará este domingo, 4 de xaneiro, ao Campo da Leña, cun mercado ecolóxico. Completarán o mes un mercado sostible o día 11 na praza da Tabacaleira e outro ecolóxico o 18, novamente no Campo da Leña. Esta programación municipal ten como obxectivo principal a promoción do consumo responsable e o apoio ao produto local. 

"O goberno de Inés Rey tivo sempre un empeño especial en levar a todos os barrios da cidade iniciativas coma estas para demostrar que outra forma de consumir, máis ecolóxica e sostible, é posible. As institucións temos a responsabilidade de predicar co exemplo, e por iso é fundamental que sigamos potenciando ideas deste estilo e cedendo espazos e recursos para que continúen en marcha", apuntou Diana Cabanas, concelleira de Emprego, Comercio e Mercados.  

A lista de datas dos mercados é a seguinte:

• 4 de xaneiro no Campo da Leña

• 11 de xaneiro na praza da Tabacaleira

• 18 de xaneiro no Campo da Leña

• 1 de febreiro no Campo da Leña

• 8 de febreiro na praza de Vigo

• 15 de febreiro no Campo da Leña

• 1 de marzo no Campo da Leña

• 8 de marzo na praza da Tabacaleira

• 15 de marzo no Campo da Leña

• 5 de abril no Campo da Leña

• 12 de abril na praza de San Cristovo (Os Mallos)

• 19 de abril no Campo da Leña