A concelleira responsable da área de Benestar Social, Yoya Neira, visitou hoxe a sede da Asociación Coruñesa de Fibromialxia, Síndrome de Fatiga Crónica e Sensibilidade Química Múltiple (ACOFIFA) situada no Centro Cívico de San Diego.

A asociación, que conta cun novo convenio por importe de 10.000 euros con cargo aos Orzamentos Municipais de 2024 para o desenvolvemento da súa actividade, ofrece asistencia psicolóxica aos pacientes de fibromialxia e as súas familias e realiza actividades de divulgación.

Neira animou á presidenta de ACOFIFA, Bibiana Pérez, a manter o labor que levan realizando desde o seu nacemento, hai máis de 20 anos, para sensibilizar á sociedade sobre unhas doenzas de difícil diagnóstico e tratamento.