Este emblemático edificio, situado no acceso principal da cidade e con deseño vangardista, acolle todo tipo de espectáculos musicais, eventos deportivos, de lecer, asembleas e feiras sectoriais, e é en tempada a praza de touros da cidade.

O Coliseum foi inaugurado o 19 de maio de 1991 e dende entón converteuse na sede dos grandes espectáculos que se realizan en Galicia, e pioneira en España como recinto de múltiples usos.

DATOS DE INTERESE

Trátase dun edificio singular pioneiro en canto á súa concepción e polivalencia funcional. A súa base é circular e ten unha altura máxima ao arco da cuberta de 32,50 m. Pista central (1.900 m2) para usos múltiples (cancha deportiva, praza de touros, auditorio para macroconcertos, salón de baile multitudinario, feiras de mostras). Capacidade para concertos: 8.500 persoas. Cabinas de ensaio para músicos locais.