O Servizo de Medio Ambiente, co obxecto de determinar as zonas de oportunidade e especies prioritarias para a expansión de arborado na cidade, decidiu elaborar un estudo de expansión do arborado, co obxecto de ter unha folla de ruta para a inversión en arborado no ano 2017. O dito mapeo centrouse nas zonas do Barrio das Flores e contorna, Monte Alto, Avda. Alfonso Molina, Novo Mesoiro, A Grela, Cemiterios de Feáns e Oza e Cidade Xardín.

A actividade anterior viuse complementada cun investimento en subministración e plantación de árbores en parques e bordos viais degradados da cidade, centrádose a dita intervención en tres zonas concretas da cidade: Novo Mesoiro, Barrio das Flores e Monte Alto.

Estes traballos desenvolvéronse co financiamento da axuda concedida polo Plan Provincial de Medio Ambiente (PMA) 2016 da Deputación da Coruña.