Uso de cookies nas páxinas web do Concello de A Coruña

Nas páxinas web municipais utilizamos cookies propias e de terceiros para mellorar os nosos servizos mediante o análise dos seus hábitos de navegación. Se continúa navegando, consideramos que acepta o seu uso. Pode obter máis información, ou coñecer como cambiar a configuración, na nosa páxina de "Normas de uso"..

Coruña Sostible

Onde ver aves

Dique de abrigo

Se a nosa visita coincide cun forte temporal no mar, podemos achegarnos dende o castelo de San Antón ata o dique de abrigo, dende onde con sorte poderemos observar falaropo bicogroso. Coidado entón co vento e coas ondas!

Volver a menú

Paseo Marítimo

Se imos a pé, a camiñada polo Paseo Marítimo ata a zona de Adormideras pode descubrirnos no mar e nas rochas grupos de corvos mariños e virapedras.

Pode ser do seu interese

Volver a menú

Adormideras

Se estamos a facer este percorrido en automóbil, pódese aparcar no polígono de Adormideras para dar un bo paseo ata a contorna da Torre de Hércules. Durante o paso migratorio de primavera é habitual nesta zona o mazarico chiador. Durante todo o ano observaremos chascos e bandos mixtos de liñaceiro e verderolo, e no inverno, con sorte, picapeixe.

Pode ser do seu interese

Volver a menú

Punta Herminia

En Punta Herminia, e fixándonos nas rochas máis próximas ao mar, descubriremos grupos de virapedras, píllara real, pilro común e correlimos escuro. Máis arriba, rabirrubio. Xa entre a vexetación que crece xunto aos carreiros, acharemos na primavera e verán lavandeira marela. No inverno é abundante a pica dos prados, e ocasional a escribenta das neves. Nesta zona tamén se observaron especies tan pouco comúns como pica de Richard ou picafollas asubiador.

Punta Herminia tamén é unha magnífica atalaia dende a que examinar a zona de mar aberto do Golfo Ártabro (o comprendido entre as rías de Ferrol e A Coruña). As especies de aves mariñas máis comúns aquí son as pardelas balear, furabuchos atlántico e cincenta (no verán e outono), o mascato, os corvos mariños grande e cristado, as gaivotas patiamarela, escura e chorona… É durante o paso migratorio de outono, que se estende entre os meses de agosto e decembro, cando a diversidade de especies é maior. Os mellores días son os de vento forte de poñente, mellor se son do noroeste. Entón teñen lugar inxentes movementos de aves cara ao oeste: mobellas, pardelas, mascatos, pentumeiros, gaivotas tridáctilas, palleiras grandes, carráns comúns, alcas e araos…

Pode ser do seu interese

Volver a menú

Torre de Hércules

Máis adiante, seguindo cara á Torre de Hércules, atopámonos cun amplo e fresco prado no que durante a primavera crían varias parellas de lavandeira marela e carriza dos xuncos. Nas sebes circundantes fano chascos e merlos e entre o toxo, papuxas do mato. Este é un territorio de caza típico do lagarteiro. Tamén o frecuenta o corvo pequeno. No inverno os grandes grupos de pica dos prados e liñaceiros son parte inseparable da paisaxe. O edificio da sirena de sinais acústicos erixido sobre o cantil é outro bo lugar dende o que gozar da trasfega de aves mariñas. Dende aquí tamén se contemplan dous illotes aos que adoitan acudir os corvos mariños grandes e cristados a descansar se o mar está tranquilo e non golpea con fereza ambas as rochas.

Volver a menú

Praia das Lapas

Ao outro lado da Torre, sobre a praia das Lapas, un pequeno cavorco é percorrido por unha fileira de ameneiros que seguen o curso dun regato. Picafollas europeos e verderolos, e no inverno algún úbalo, frecuentan as ramas destas espigadas árbores.

Pode ser do seu interese

Volver a menú

Enseada do Orzán

Chegou o momento de coller de novo o coche ou de botar a andar polo Paseo Marítimo cara ao corazón da enseada do Orzán. Faremos ben en observar con detemento as ondas, en busca de máis corvos mariños, de gaivotas de varias especies, do carrán cristado ou, se hai temporal duro no mar, de falaropos. Nas praias de Orzán e Riazor atoparemos a lavandeira branca e, no inverno, a lavandeira real. Tamén no inverno, e tanto aquí coma en calquera recuncho da cidade, non é raro toparse coa subespecie británica da primeira, de dorso negro. As rocas albergan máis grupos de virapedras e bilurico das rochas.

Pode ser do seu interese

Volver a menú

Monte de San Pedro

Tras deixar atrás o obelisco Millennium e unha pronunciada costa, chegamos á base do Monte de San Pedro. Dende o parque que ocupa a súa cima gózase dunha impresionante vista da cidade. Para chegar ata aquí hai que atravesar o polígono dos Rosales. Entre as sebes e macizos podemos atopar paporrubio, azulenta, rula, chasco, papuxa do mato, tordo común,… Nas zonas de herba, máis picas, e sobre nós, aves rapaces como miñato ou lagarteiro. Un pequeno estanque acolle unha colección de patos.

Volver a menú

Illas de San Pedro

Ao pé do Monte de San Pedro, e seguindo a liña da costa, chegamos fronte ás illas de San Pedro. Ata elas acoden cada noite de inverno a durmir centos de corvos mariños. Veñen do porto, da ría do Burgo… Tamén veremos gabita, e na primavera decenas de parellas de gaivotas entregadas á súa prole. Este é outro lugar estupendo para observar a migración de aves mariñas no outono.

Pode ser do seu interese

Volver a menú

Parque de Bens

Atravesamos así o pequeno porto do Portiño para dirixirnos ao Parque de Bens. Deixaremos á nosa esquerda o selado do antigo vertedoiro e, subindo por calquera dos carreiros alcanzaremos o cume do monte, dende onde teremos aos nosos pés outra formidable vista da Coruña. Ao noso paso atopariamos liñaceiro, chasco, xílgaro, verderolo, pombo torcaz, rula...

Pode ser do seu interese

Volver a menú

Praia de Oza

Comeza na praia de Oza: dende os diques que a cerran gózase unha panorámica da enseada que se abre entre este lugar e as praias de Santa Cristina e Bastiagueiro. Entre outubro e abril, e segundo os anos, é posible observar aquí mobellas e mergullóns. Os máis frecuentes son mobella grande, mobella pequena e mergullón de pescozo negro.

Tamén se observaron nesta zona mobellas árticas, mobellas de bico branco (primeira e única cita ata o momento para a Península Ibérica), mergullón real e mergullón cincento. O pentumeiro, outrora moi numeroso, viu recentemente reducida a súa presenza a un puñado de exemplares. É moi común o corvo mariño grande e menos o corvo mariño cristado. Algúns anos invernan o pentumeiro de ala branca e o mergo cristado, e en máis dunha ocasión observáronse pentumeiro careto, eider común e pato rabeiro. Durante a preamar as rochas non mergulladas son utilizadas como repousadoiros por grupos de gazota, gabita e virapedras.

Outras aves comúns son a gaivota cabecinegra, o albatros olleirudo e o alca. A última hora da tarde este é un bo lugar para observar os grupos de corvo mariño grande e gaivotas escura e chorona que abandonan a ría do Burgo cara aos seus durmidoiros.

Pode ser do seu interese

Volver a menú

Xardíns de Méndez Núñez

O noso seguinte obxectivo son os xardíns de Méndez Núñez. Situados en pleno centro da cidade, e creados nunha zona gañada ao mar, contan con numerosas árbores ornamentais entre cuxas ramas é posible achar ferreiriño real e ferreiriño negro, picafollas ibérico, papuxa das amoras, rula turca, pombo torcaz, merlo, pardal ou estorniño pinto. Este último, no inverno, forma á noitiña inmensas bandadas que acoden a durmir a este e outros parques da cidade, de onde parten de novo coas primeiras luces da mañá. É entón cando é posible observar as accións de caza do falcón peregrino. Outros xardíns do centro, como os de Santa Margarita, albergan unha avifauna similar.

Pode ser do seu interese

Volver a menú

Castelo de San Antón

Faremos a seguinte parada no Castelo de San Antón. O dique flotante de pneumáticos que protexe as embarcacións do Club Náutico da acción das ondas alberga cada noite, ou durante a marea alta, centos de aves que se achegan ata el de toda a contorna: carráns, corvos mariños, gaivotas… Entre estas últimas destacan as cabecinegras, que sumaron máis de 80 exemplares nos últimos invernos. Tamén os grandes gaivotóns, e especies máis escasas como a gaivota cana. O número de pilros comúns que se concentran aquí pasa dos trescentos, e a eles únense outras aves limícolas como pilros gordos e escuros, mazarico rubio ou virapedras. Arredor deste dique flotante pódense observar araos e carolos.

Volver a menú

Avisos e eventos

  • Autorización do uso das parcelas e mesas de cultivo das hortas urbanas da Agra do Orzán

    Cando:

    Dende o 18/06/2018 ata o 31/07/2018

    Autorización do uso das parcelas e mesas de cultivo das hortas urbanas da Agra do Orzán, Novo Mesoiro e Parque de Eirís, por un período de dous anos.

  • Composta Coruña

    Cartel Composta Coruña

    Cando:

    Dende o 02/03/2017 ata o 01/03/2020

    Campaña de compostaxe doméstica

Axenda

Enerxía sostible

Más información

Subscrición ao boletín co2ruña

Os campos marcados cun asterisco son obrigatorios

A subscrición a este boletín realizarase no idioma de navegación actual da páxina web: Galego

Política de privacidade

De acordo coa lexislación en materia de protección de datos e, en concreto, co Regulamento UE 2016/679, do Parlamento Europeo e do Consello, do 27 de abril, os datos persoais que vostede nos facilite voluntariamente no formulario de "Subscrición ao Boletín de actividades", serán tratados baixo a responsabilidade do CONCELLO DA CORUÑA Praza María Pita nº 1 (15001 - A Coruña), coa finalidade de ofrecer á cidadanía información a través do Portal Web do Concello, estando lexitimado polo consentimento que vostede expresamente outorga mediante a aceptación da cláusula de protección de datos, podendo vostede retirar devandito consentimento en calquera momento, sen efectos retroactivos.

Os seus datos de contacto trataranse durante o tempo que manteña a subscrición ou exerza o seu dereito de cancelación ou oposición.

Igualmente informámoslle que ten dereito a solicitar á persoa responsable do tratamento, en calquera momento, o acceso, rectificación ou supresión dos seus datos persoais e a limitación do seu tratamento. p>< p>Tamén terá dereito a opoñerse ao devandito tratamento, así como a solicitar, salvo casos de interese público e/ou exercicio de poderes públicos, a portabilidad dos seus datos. Devanditos dereitos poderá exercelos mediante solicitude remitida á seguinte dirección: Rexistro de entrada municipal Praza Mª Pita nº 1, con referénciaa "protección de datos", a través dun escrito asinado para o efecto, achegando unha fotocopia do seu Documento Nacional de Identidade.

Igualmente poderá dirixir dita solicitude directamente á persoa Delegada de Protección de Datos, cuxa identidade.

Así mesmo, vostede ten dereito a presentar unha reclamación ante a Axencia Española de Protección de Datos ( AEPD).

Marca o seguinte cadro para aceptar a política de privacidade *

  • Logotipo do Concello da Coruña
    • Ayuntamiento de A Coruña | Concello da Coruña
    • Praza de María Pita, 1. 15001 A Coruña
    • 981 184 200 ou desde dentro do termo municipal ao teléfono de atención 010
Tes un navegador demasiado antigo!

Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Safari e Microsoft Internet Explorer 10 ou superior. Instalar agora un navegador compatible

?