Uso de cookies en las páginas web del Ayuntamiento de A Coruña

En las páginas web municipales utilizamos cookies propias y de terceros para mejorar nuestros servicios mediante el análisis de sus hábitos de navegación. Si continúa navegando, consideramos que acepta su uso. Puede obtener más información, o conocer como cambiar la configuración, en nuestra página de "Normas de uso".

Coruña Sostenible

  • Compartir
  • Añadir a mi móvil | 
  • Imprimir

Cuándo:

9 de febrero de 2019

María García salienta os avances acadados no programa de xestión das nove colonias felinas controladas da cidade, "unha iniciativa de benestar animal que aposta polo sacrificio cero, á vez que empodera á veciñanza"

A responsable de Medio Ambiente sinala que un total de 57 persoas voluntarias, pertencentes a cinco entidades coas que o goberno local mantén convenio de colaboración, participan na xestión das colonias

A responsable da Concellería de Medio Ambiente, María García, valora positivamente o desenvolvemento do programa de xestión das colonias felinas da cidade, unha liña de traballo que considera "imprescindible" no marco das políticas do benestar animal. "O goberno da Coruña sempre amosou a súa vontade de formular un cambio radical do traballo con respecto á fauna coa que convivimos na cidade e de apostar por medidas orientadas cara ao sacrificio cero ", expón García.

O goberno local puxo en marcha en febreiro de 2016 un proxecto piloto de xestión da colonia felina no Barrio das Flores a través dunha colaboración coa entidade Gatuchinhos. Tres anos despois, A Coruña conta con nove colonias controladas que xestionan cinco entidades do tecido asociativo co apoio do Concello a través dun convenio de colaboración, "nun modelo baseado na  corresponsabilidade cidadá que procura as mellores condicións sanitarias para os animais á vez que vela pola convivencia e salubridade pública", explica a edil.

Nestes momentos, ademais da entidade colaboradora inicial, participan no programa a Asociación Felinos Felices, CoruñaGatuna, Micos e Nós e Gatocán. "A día de hoxe, o Concello expediu un total de 57 carnés que recoñecen a capacidade de control e alimentación de persoas voluntarias que forman parte destas asociacións, unha medida que ampara o traballo que tanto entidades coma voluntarias levan moitos anos facendo sen recoñecemento. Agora poden facelo non só co coñecemento e acompañamento da administración, senón en condicións de garantía, legalidade e no beneficio de todas as partes implicadas", asevera García, quen lembra que estas colonias controladas se sitúan na zona do Instituto Oceanográfico, na rúa Almirante Romay, nos parques de Santa Margarita e Oza, no Barrio das Flores, nos Rosales, na contorna do antigo cárcere provincial, Menhires e Adormideras.

A xestión destas colonias realízase mediante o protocolo CES --captura, esterilización e solta--, co obxectivo de manter un control sobre a poboación animal que habita nestes espazos, o seu estado de saneamento así como a calidade e a cantidade de alimentación da que dispoñen. "Este tipo de actuación CES incide, precisamente, na localización destas comunidades para evitar problemas de convivencia, evitar a sobrealimentación dos exemplares e garantir unhas condicións de hixiene que redunden na salubridade pública da zona", explica a responsable municipal. No marco do convenio establecido coas cinco asociacións, o Concello corre cos gastos da esterilización dos animais, ademais de facilitar ás entidades responsables das actuacións  elementos como gaiolas de captura e recuperación, ou útiles para a limpeza diaria das casetas e os comedeiros. Durante o pasado exercicio, esterilizáronse un total de 201 gatos.

  • Logotipo del Ayuntamiento de A Coruña
    • Ayuntamiento de A Coruña | Concello da Coruña.
    • Plaza de María Pita, 1. 15001 A Coruña.
    • 981 184 200 o desde dentro del término municipal al teléfono de atención 010
¡Tienes un navegador demasiado antiguo!

Lo sentimos pero tu navegador es muy antiguo para poder mostrar esta página. Debes de actualizarlo o usar un navegador compatible. Hemos optimizado esta web para Google Chrome, Mozilla Firefox, Safari y Microsoft Internet Explorer 10 o superior. Instalar ahora un navegador compatible

?