Soprando a buguina, comezará a nosa viaxe nun barquiño de pau.Veremos illas onde viven caracois, galiñas poñedoras e vacas. Regaremos a herba. Xogaremos coa marea que sobe e baixa. Cantaremos cancións de gaivotas e moverémonos coma nécoras. Mesmo daremos unha volta por debaixo do mar.

Barquiño de pau é un espectáculo de teatro de obxectos e música para explorar os sentidos dunha maneira amena, coa participación das crianzas, con diferentes texturas coma as do papel, da tea, das esponxas naturais.

Música ao son do acordeón, da mandola portuguesa, do dizi chinés ou co propio corpo. Recitamos poemas e xogamos coas palabras a debuxar ideas. Brincaremos coa imaxinación recreando animais con obxectos, o mar con teas ou medusas con paraugas. 

A actividade desenvolverase no escenario do auditorio do Centro Ágora e haberá dous pases: 

• https://www.coruna.gal/lingua/gl/axenda/detalle-de-eventos/barquino-de-pau-de-tropa-de-trapo-as-17-00-h/suceso/1453830345134 
• https://www.coruna.gal/lingua/gl/axenda/detalle-de-eventos/barquino-de-pau-de-tropa-de-trapo-as-18-30-h/suceso/1453830346232 

Haberá que se inscribir previamente no horario escollido en https://www.coruna.gal/lingua/gl/axenda/proximas-inscricions

Pídese puntualidade.

Organiza Normalización Lingüística do Concello da Coruña dentro do programa Apego.