Uso de cookies en las páginas web del Ayuntamiento de A Coruña

En las páginas web municipales utilizamos cookies propias y de terceros para mejorar nuestros servicios mediante el análisis de sus hábitos de navegación. Si continúa navegando, consideramos que acepta su uso. Puede obtener más información, o conocer como cambiar la configuración, en nuestra página de "Normas de uso".

Ágora

  • Compartir
  • Añadir a mi móvil | 
  • Imprimir

Cuándo:

16 de abril de 2019

Tanxugueiras, premio MIN ao mellor álbum en galego, no AgoraSón da primavera 2019

Con motivo do Día das Letras Galegas e para promover a lectura en lingua galega, o Servizo de Normalización Lingüística do Concello da Coruña organiza o AgoraSón 2019, coas Tanxugueiras en concerto.

As voces das Tanxugueiras serán as protagonistas no AgoraSón de primavera 2019, que se celebrará o venres 10 de maio, ás 21.00 h, no auditorio do Centro Ágora. A cita, organizada polo Servizo de Normalización Lingüística do Concello da Coruña, segue a liña doutros eventos promovidos pola entidade, como o Festival Nororeste ou as Festas de María Pita, nos que o Goberno local aposta pola visibilización e presenza de mulleres artistas. 

O seu último traballo Tanxugueiras confirmou a Sabela Maneiro, Aida Tarrío e Olaia Maneiro como unha das bandas referentes da música tradicional galega, con máis de 50 concertos en 2018 e unha importante xira tanto polo país como polo estranxeiro. Visitaron Glasgow, India, Cuba e Suíza e acadaron varios premios, como o MIN ao mellor álbum en galego ou o aRi[t]mar polo tema "Que non mo neguen", unha canción na que o grupo, segundo elas propias, quere facer ver o actual apoderamento da muller e camiñar en prol da igualdade.

O Agorasón é unha iniciativa gratuíta e aberta á veciñanza que procura promover a lectura en lingua galega, así como proporcionar alternativas de lecer na poboación moza e adulta e promocionar a música na lingua do país. No concerto desta edición da primavera de 2019, Tanxugueiras virán coa banda que as acompaña nos directos, formada por músicos de gran traxectoria como Isaac Palacín na percusión (Berrogüetto, Guadi Galego), José Manuel Díaz Iglesias ao baixo eléctrico e contrabaixo (Uxía, Sindicato da noite), Cibrán Seixo ao violín (Budiño, Andrés Penabad, Davide Salvado) e Rubén Fernández ao acordeón (Alvariza).

Para poder asistir ao concerto, a cidadanía só precisa recoller os convites nos distintos centros da rede de bibliotecas municipais, no seu horario habitual de apertura, e que se reparten pola retirada de libros en galego. Con cada carné de socia ou socio poderase coller até un máximo de dous convites para este espectáculo.

Documentos:

Cartel do AgoraSón primavera 2019 - Tanxugueiras (1 MB)

Compartir en Tuenti
  • Ayuntamiento de A Coruña Concello de Coruña
  • Logotipo FEDER
  • Logotipo Urbana-C
    • Ayuntamiento de A Coruña / Concello da Coruña.
    • Plaza de María Pita, 1. 15001 A Coruña.
    • Teléfono: 981 184 200 | 010
     ¦ 
¡Tienes un navegador demasiado antiguo!

Lo sentimos pero tu navegador es muy antiguo para poder mostrar esta página. Debes de actualizarlo o usar un navegador compatible. Hemos optimizado esta web para Google Chrome, Mozilla Firefox, Safari y Microsoft Internet Explorer 10 o superior. Instalar ahora un navegador compatible

?