Concello da Coruña

*Atletas con discapacidade: Establécense tres categorías para atletas con discapacidade:

1. Atletas en cadeira de rodas que non teñan mecanismos nin engrenaxes que axuden á impulsión das mesmas. Tan só está permitido o impulso cos brazos sobre o aro adherido á roda.
2. Discapacidades visuais
3. Discapacidades intelectuais.

No momento da inscrición deben comunicar esta circunstancia á organización, así como se desexan entrar na clasificación de atletas con discapacidade. No caso de non indicalo figurarán na táboa xeral de tempos.

Para acreditar a pertenza a algunha destas categorías hai que enviar unha copia do cartón acreditativo da discapacidade á organización, de forma que quede acreditado o envío, ao correo electrónico info@carreirasgalegas.com.

As persoas participantes con discapacidade visual ou intelectual farán constar os apoios que necesitan para participar na carreira nas mellores condicións posibles.Permitirase un máximo de 2 guías para os atletas con discapacidade visual. O suo de guías ou, no caso de participantes con discapacidade intelectual, de atletas de apoio, debe comunicarse previamente á Federación Galega de Atletismo, así como o punto quilométrico exacto onde se van a situar os/as guías das persoas corredoras con discapacidade visual para facer a substitución.

A participación das persoas guías e das persoas de apoio, que irán sen chip, será gratuíta, para o que deberán contactar coa organización a través do correo electrónico info@carreirasgalegas.com.

A organización resérvase o dereito de incluír algunha categoría promocional durante a carrea, que terá unha normativa específica para a súa regulación.