Concello da Coruña

Inscricións

Inscrición en liña:

1. A inscrición en liña realizarase a través da pasarela de pagamento inserida na páxina web da Federación Galega de Atletismo www.carreirasgalegas.com. Estará operativa desde a publicación deste regulamento, ata o 29 de setembro de 2024.
2. Cota e prazos de inscrición:

• Prazo reducido: ata o 18 de agosto: 8 €
• Prazo ordinario: ata o 27 de setembro: 12 €

Por razóns organizativas de recursos técnicos e humanos, así como pola calidade do servizo, é aconsellable que as persoas participantes formalicen a súa inscrición dentro dos prazos indicados.

• Prazo extraordinario (UNICAMENTE PARA A CARREIRA C10 ABSOLUTA) : 28 e 29 de setembro: 20 €.

Ás persoas que se inscriban no prazo extraordinario, non se lles garantirá a entrega dunha camiseta, xa que a súa produción debe facerse coa antelación suficiente.

A organización non aceptará ningún tipo de inscrición posterior a este prazo.

Inscrición presencial:

Poderá realizar a inscrición presencial para a Carreira Popular C10, cubrindo a folla de inscrición e aboando a correspondente cota.

• Prazo: desde o 29 de xullo, no horario comercial de El Corte Inglés.
• Lugar: Departamentos de deportes de El Corte Inglés (rúa Ramón y Cajal-A Coruña)

LOCALIDADE	LOCALIZACIÓN CENTROS EL CORTE INGLÉS
A Coruña	Departamento de Deportes (5º andar)	Rúa Ramón y Cajal, 57, 15006 A Coruña

Devolución parcial da cota de inscrición

Só se devolverá a tarifa de inscrición en caso de lesión e /ou enfermidade, se se presenta un informe médico, antes do día en que se realice a proba, na Federación Galega de Atletismo (avenida de Glasgow, 13 - Edificio Federacións. 15008, A Coruña / info@carreirasgalegas.com).

Se non se envía o informe mencionado anteriormente, non se realizará ningún reembolso. Para outros casos xustificados, a organización avaliará se se devolve a cota.

O prazo limite de presentación do informe medico será o venres anterior ao comezo da carreira ás 12.00 h

Entrega de dorsais e camisetas

Informarase ás persoas inscritas da hora de recollida de dorsais e camisetas. Entregaranse o venres e sábado previos á proba e excepcionalmente o día da competición.

A organización non pode garantir o talle, xa que o pedido de camisetas realízase con anterioridade ao peche de inscricións.