Uso de cookies nas páxinas web do Concello da Coruña

Nas páxinas web municipais utilizamos cookies propias e de terceiros para mellorar os nosos servizos mediante a análise dos seus hábitos de navegación. Se continúa navegando, consideramos que acepta o seu uso. Pode obter máis información, ou coñecer como cambiar a configuración, na nosa páxina de "Normas de uso".

Concello da Coruña

Inscrición

As persoas participantes poderán formalizar a súa inscrición:

a) Inscrición en liña: a través da pasarela de pago inserida na páxina en liña da Federación Galega de Atletismo www.carreirasgalegas.com. Estará operativa ata as 23:59 horas do 9 de febreiro de 2020.

Cota e prazos de inscrición

  • Prazo ordinario: ata o domingo 2 de febreiro: 15 €
  • Prazo extraordinario: desde o luns 3 ata o domingo 9 de febreiro: 25 €

Por razóns organizativas de recursos técnicos e humanos, así como pola calidade do servizo, é aconsellable que as e os participantes formalicen a súa inscrición dentro dos prazos establecidos. Con todo e para todas aquelas persoas que por causas alleas á organización non poidan formalizar a súa inscrición antes do 2 de febreiro, terán a opción de realizala do 3 ao 9 de febreiro, cun incremento na cota de participación de 10 , polo que a cota de participación sería de 25 €.

b) Inscrición presencial: cubrindo a folla de inscrición e aboando a correspondente cota.

Prazo: ata o sábado 1/02/2020, no horario comercial de El Corte Inglés.

Lugar: nos departamentos de deportes de El Corte Inglés:

Localización dos centros El Corte Inglés

Localidade

Ramón y Cajal

Departamento de Deportes (7ª planta)

Ramón y Cajal, 57 e 59

A Coruña

Marineda City

Departamento de Deportes (2ª planta)

Estrada de Baños de Arteixo, s/n

Polígono Industrial da Grela

A Coruña

Compostela

Departamento de Deportes

Rúa do Restollal, 50

15702 Santiago de Compostela

Santiago de Compostela

Vigo

Departamento de Deportes

R/ Gran Vía, 28 Vigo (Pontevedra)

Vigo (Pontevedra)

c) Bonificacións: 50 % para maiores de 65 anos, persoas posuidoras do carné xove e paradas. Para acreditar estas circunstancias é suficiente cunha declaración responsable, que se entenderá realizada no momento en que se marque a opción "solicito bonificación", no formulario de inscrición en liña ou na folla de inscrición presencial; e enviar os documentos que se detallan a continuación á Federación Galega de Atletismo mediante un correo electrónico ao seguinte enderezo: info@carreirasgalegas.com

  • Maiores de 65 anos: fotocopia do DNI
  • Persoas posuidoras do Carné Xove: fotocopia do DNI e do Carné Xove.
  • Persoas paradas: fotocopia do DNI e informe de períodos de altas e baixas, expedido polo Servizo Público de Emprego (INEM) antes do día da inscrición na carreira ou fotocopia da tarxeta de desemprego.

O prazo para o envío de documentos por correo electrónico finaliza ás 23:59 horas do 2 de febreiro do 2020, coincidindo co fin do prazo ordinario de inscrición.

  1. Inscrición gratuíta: terán dereito á inscrición gratuíta aquelas persoas participantes inscritas no Circuíto Coruña Corre 2018/19 que finalizasen as 9 carreiras das que consta o circuíto. Prazo límite para a inscrición gratuíta: 2 de febreiro ás 23:59 h.

Devolución parcial da cota de inscrición

Só se devolverá a tarifa de inscrición en caso de lesión e /ou enfermidade, se se presenta un informe médico, antes do día en que se realice a proba, na Federación Galega de Atletismo (Avenida de Glasgow, 13 - Edificio Federacións, 15008, A Coruña / info@carreirasgalegas.com).

O importe da devolución virá determinado pola data de presentación do informe médico:

  • O 75% da cota se se presenta unha semana antes da realización da proba, ata o 2 de febreiro ás 23:59 h.
  • O 50% se se presenta despois desa data, ata o 2 de febreiro ás 23:59 h.

Se non se envía o informe mencionado anteriormente, non se realizará ningún reembolso. Para outros casos xustificados, a organización avaliará se se devolve a cota.

Categorías

Categoría Data de nacemento
Sub-20 2001 e 2002
Sub-23

1998, 1999 e 2000

Sénior desde 1997 e anteriores ata máster 1
Master 1 de 35 a 39 anos cumpridos no día da proba
Master 2 de 40 a 44 anos cumpridos no día da proba
Master 3 de 45 a 49 anos cumpridos no día da proba
Master 4 de 50 a 54 anos cumpridos ata o día da proba
Master 5 de 55 a 59 anos cumpridos ata o día da proba
Master 6 de 60 a 64 anos cumpridos ata o día da proba
Master 7 de 65 anos cumpridos o día da proba en diante

Atletas con discapacidade*

Nados/as en 1998 e anos anteriores

*Atletas con discapacidade: establécense tres categorías para atletas con discapacidade:

  1. Atletas en cadeira de rodas que non teñan mecanismos nin engrenaxes que axuden á súa impulsión. Tan só está permitido o impulso cos brazos sobre o aro adherido á roda. Non se permiten bicicletas de mans (handbike).
  2. Persoas con discapacidade visual
  3. Persoas con discapacidade intelectual

No momento da inscrición débenlle comunicar esta circunstancia á organización. Para acreditar a pertenza a algunha destas categorías hai que lle enviar unha copia da tarxeta acreditativa da discapacidade á organización, de forma que quede acreditado o envío, ao correo electrónico secretaria@atletismo.gal.

As persoas corredoras destas categorías deben ir debidamente identificadas, así como a persoa que, de ser o caso, lles faga de guía. Permitiranse ata 2 guías por atleta con discapacidade visual. O cambio de guía tense que realizar no quilómetro 10 e incorporarase o segundo guía neste punto. A participación de guías, que irán con dorsal sen chip, será gratuíta, para o que deberán contactar coa organización a través do correo electrónico secretaria@atletismo.gal.

Para optar a trofeo na categoría de atletas con discapacidade é necesario inscribirse nesa categoría.

Entrega de dorsais e chip

Poderanse recoller no Departamento de Deportes de El Corte Inglés situado no Centro Comercial Marineda City nos seguintes días e horarios:

  • Venres 14 de febreiro de 2020, de 17.00 a 22.00 horas
  • Sábado 15 de febreiro de 2020, de 10.00 a 21.30 horas

De maneira extraordinaria, facilitarase a recollida dos dorsais o mesmo día da carreira, domingo 16 de febreiro, na zona de saída/meta situada no Cantón Grande, á altura do Obelisco no seguinte horario:

Domingo 16 de febreiro de 2020: 08:45 a 09:45 horas

Pídeselles ás persoas participantes que procuren, na medida do posible, recoller previamente o dorsal para evitar aglomeracións.

A camiseta recollerase conxuntamente co dorsal e por estrita orde de chegada, ata finalizar a existencia do talle. A organización non pode garantir o talle debido a que o pedimento de camisetas realízase con anterioridade ao peche de inscricións.

Que che parece esta sección?

-101-101-101

Tes un navegador demasiado antigo!

Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible

Iniciar sesión