O récord de inscrición da penúltima proba de Coruña Corre, este domingo 6 de novembro no Ventorrillo, obrigou a desdobrar algunhas carreiras. As últimas series, as de peques, comezarán cara ás 12.55 horas, media hora máis tarde do inicialmente previsto.

A mañá deportiva dará comezo ás 10.00 horas coa carreira absoluta, á que se inscribiron máis de mil persoas.

Ás 11.15 chegará a quenda da sub-18 para mozos e mozas para comezar coas probas de menores. Estes son os horarios das seguintes carreiras:

• 11.30 Sub-16 masculina e feminina.
• 11.45 Sub-14 feminina.
• 12.00 Sub-14 masculina.
• 12.15 Sub-12 feminina.
• 12.25 Sub-12 masculina.
• 12.35 Sub-10 feminina.
• 12.45 Sub-10 masculina.
• 12.55 Peques.

A entrega de trofeos está prevista para as 13.25 horas na zona de meta.