2 de decembro de 2022
O prazo para apuntarse está aberto ata o 11 de decembro, unha semana antes de que se leve a cabo a carreira que conmemora o 50 aniversario do CHUAC
Coruña Corre despedirá a tempada 2022 o próximo 18 de decembro coa carreira que conmemorará o 50 aniversario do CHUAC, unha cita para a que está aberto o período de inscrición.
Xa hai máis de 830 persoas apuntadas a este 'bonus track' de Coruña Corre, unha proba que non puntúa, mais pechará o circuíto con broche de ouro.
Aínda estás a tempo para sumarte a esta carreira que une Eirís e o Parrote, cunha distancia de 5.250 metros, case toda sobre asfalto, coa excepción dalgunha zona de terra.
Á proba absoluta apuntáronse máis de medio milleiro de atletas e a categoría Peques conta xa con 155 persoas anotadas.
Lembra que para quen participase en Coruña Corre 2022 a inscrición a esta carreira é gratuíta e para o resto ten un custo de tres euros. Súmate á homenaxe ao CHUAC!
Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible