O obxectivo do programa é dar a coñecer en detalle a modalidade de emprendemento colectivo, o cooperativismo e a economía social.

As accións, postas en marcha por UGACOTA [Unión de Cooperativas de Traballo Asociado], levaranse a cabo en Vilagarcía de Arousa, Ames, A Coruña, Vigo e Lugo.

Os programas nos que podes participar son os seguintes:

Formación cooperativa para as persoas que queren emprender: destinada a coñecer as vantaxes e posibilidades de emprender baixo a fórmula de economía social.

Elabora o teu plan de empresa cooperativo: coñecer os elementos que debemos analizar para conformar o noso plan de empresa como grupo emprendedor.

Por que non traballamos en equipo?: saber utilizar as habilidades persoais para traballar en equipo é clave nunha cooperativa. Neste curso, traballarase con distintos recursos e metodoloxías que nos axudarán a mellorar as nosas destrezas sociais.

Pódeste inscribir nas accións que terán lugar na Coruña, a través deste formulario.