Segue vixente a Axuda do IGAPE [Instituto Galego de Promoción Económica] para a bonificación dos custos financeiros das pequenas e medianas empresas de Galicia, titulares de préstamos superiores a 25.000 € con fondos do ICO [Instituto de Crédito Oficial] instrumentadas mediante convenio de colaboración entre o IGAPE, entidades financeiras e as sociedades de garantía recíprocas.

Beneficiarios potenciais: autónomos, microempresas ou PEMES, calquera que sexa a súa forma xurídica.

Requisitos: ter formalizado un préstamo con cargo a algunha das liñas ICO: liña ICO-Empresas e Emprendedores 2014 ou liña ICO-Garantía SGR/SAECA 2014, por un importe superior a 25.000 euros, a un prazo igual ou superior a 5 anos e cumprir coas condicións específicas de actividade e localización establecidas nas bases.

Prazo de presentación de solicitudes: ata o 20 de novembro do 2014.