Organizada pola Rede de Innovación de Arteixo, o vindeiro xoves 9 de outubro terá lugar a Xornada de innovación no sector comercio e servizos profesionais. Nela, abordaranse distintas experiencias do sector en materia de innovación, presentando empresas e solucións innovadoras a problemas actuais.

Os obxectivos da xornada estarán centrados en:

- Analizar novas fórmulas de negocio no sector comercio e servizos profesionais orientadas cara á innovación.

- Coñecer o desenvolvemento de estratexias innovadoras no lanzamento de novos produtos e servizos.

- Profundar nas tendencias para os próximos anos en materia de innovación para ambos os sectores.

Pode participar nesta xornada calquera persoa con inquietudes relacionadas coa innovación no sector do comercio, a distribución, a artesanía, así como no sector servizos, xa que está dirixida a pemes en xeral e, en particular, a directivos, xerentes, empresarios ou emprendedores.

A xornada desenvolverase de 16.00 a 20.30 horas no Centro Arteixo Innovación [Avda. Arsenio Iglesias. Parc. 46. Polígono de Sabón - Arteixo (A Coruña)].

As inscricións son gratuítas e pódense formalizar a través do correo electrónico RedInnovacion_Arteixo@eoi.es, no teléfono 981 641 095, ou a través deste enlace.