A nova edición do Festival Sons do Estío do programa Agra no Ágora intégrase un ano máis na programación da FoliAgra, a festa do barrio da Agra do Orzán, para convidarnos ao concerto "Cando o fado soa libre" de Cristina Branco e banda.

Cristina Branco é unha fadista imprescindíbel da música portuguesa: renova o fado desde o respecto profundo á tradición, incorporando novas sonoridades e unha interpretación íntima e poderosa. A súa voz clara e expresiva convídanos a unha viaxe pola saudade, a poesía e a emoción compartida.

Cada concerto é un encontro próximo, unha experiencia musical que conecta co público desde a verdade e a elegancia, facendo do fado unha linguaxe viva e actual.

O festival Sons do Estío, como todas as actividades do programa "Agra no Ágora" son de acceso libre e gratuíto; o programa está financiado polo Concello da Coruña e deseñado en colaboración coa Asociación veciñal Agra.