RENOVACIÓN EDM 2024-25

A renovación da matrícula vai dirixida a todo o alumnado matriculado e asistente nas EDM no curso 2023-24 que desexe renovar a súa matrícula para o vindeiro curso 2024-2025 con asistencia igual ou maior a un 60% tanto no caso das actividades xestionadas directamente polo SMD do Concello da Coruña así como polas concesionarias do Complexo Deportivo de San Diego e do Club do Mar de San Amaro.

A renovación realizarase na actividade, no grupo e horario no que se estea inscrito/a no curso 2023-24. O SMD poderá cambiar a denominación dos grupos co fin de ordenar a oferta das EDM. Neste caso, cada persoa quedará adscrita a un grupo equivalente ao que estaba matriculada. 

Considerarase a idade referida á data 31 de decembro de 2024.

LISTAXE DE ALUMNADO EDM 2024-25

Na seguinte ligazón pode consultar o alumnado que: ten dereito a renovar, o que cambia de idade, o que non ten continuidade nas EDM ou aqueles casos aos que non corresponde renovación:

• Listaxe Alumnado Renovacións - EDM 2024-25

DATAS, LUGAR E HORARIOS PARA AS RENOVACIÓNS

Publicación da listaxe: 24 de abril a partir das 10:00h

• O SMD publicará na páxina web municipal www.coruna.gal/deportes  e nos taboleiros de anuncios dos centros deportivos a listaxe do alumnado que poderá renovar
• Para renovar as actividades impartidas en San Diego e San Amaro, as listaxes das persoas con dereito a renovación serán publicadas polas empresas concesionarias dos devanditos centros.

Presentación de alegacións: do 25 ao 30 de abril, nas oficinas de coordinación das EDM nos horarios de 08:15-14:00 e das 17:00-19:00 de luns a venres.

Disporán dun prazo de presentación de alegacións correspondentes e xustificacións aquelas persoas que acrediten que as ausencias tiveron lugar por causas de forza maior ou estado de necesidade. Neste punto aclárase que non terán esta condición as ausencias por enfermidade preexistente á data de matriculación no curso anterior e/ou enfermidade crónica.

Matrículas: en xeral do 2 ao 27 de maio, ambos incluídos

• Entenderase que as persoas que non se matriculen nas datas indicadas para a renovación, renuncian a praza.

Para facilitárllelo ás persoas residentes dos contornos do barrio das Flores e da Torre, abriranse as oficinas do Barrio das Flores do 2 ao 8 de maio e as oficinas da Cidade Deportiva da Torre do 9 ao 16 de maio.

RENOVACIÓN PRESENCIAL: *terá preferencia a cita previa (1 por matrícula). Pode solicitala en www.citaprevia.coruna.gal ou chamando ao 010
Oficinas de atención ao público	Idades	Datas	Horario
Palacio de Deportes Riazor*	MAIORES DE 60 ANOS	2 ao 10 maio	Lu-Ve 08:15-14:00
Palacio de Deportes Riazor*	18-60 ANOS	13 ao 20 maio	Lu-Ve 08:15-14:00
Palacio de Deportes Riazor*	ATA 17 ANOS	21 a 27 maio	Lu-Ve 08:15-14:00
Cidade Deportiva da Torre*	TODAS AS IDADES	9 ao 16 maio	Lu-Ve 08:15-14:00
Polideportivo do Barrio das Flores*	TODAS AS IDADES	2 ao 8 maio	Lu-Ve 08:15-14:00
Club do Mar de San Amaro	TODAS AS IDADES	02 maio ao 27 maio	Lu-Ve 9:30-19:30
CDM de San Diego	TODAS AS IDADES	02 maio ao 27 maio	Lu-Ve 08:00-22:30; Sa 09:00-21:30 Festivo. 09:00-14:00

CAMBIO DE GRUPO POR IDADE

1.- Cambios de grupo por idade menores de idade (de 6-17 anos)

O cambio de grupo por idade realizarase na mesma modalidade deportiva, sempre e cando a EDM dispoña de prazas.

Data da matrícula do 20 ao 26 de xuño, nas oficinas de atención ao público na Cidade Deportiva de Riazor nos horarios publicados (consultar o cadro anterior).

As EDM que en primeira convocatoria non dispoñen de prazas ou poden optar a varios horarios son as seguintes:

-Alumnado de Patinaxe de 6 a 8 anos, con cambio a Patinaxe de 9 a 11 anos. (Polideportiva núm. 1 Riazor)

-Alumnado de Minitenis de 6 a 8 anos (da Torre), con cambio a Tenis 9-11. (Torre, Riazor, Novo Mesoiro)

-Alumnado de Natación de 6-8 anos, con cambio a 9-11 anos. (Riazor)

-Alumnado de Tenis de 9-11 anos (Riazor/Torre/N. Mesoiro) que cambia a Tenis de 12-17 anos. (Riazor/Torre/N. Mesoiro)

-Alumnado de Natación de 9 a 11 anos, con cambio a Natación de 12 a 17 anos. (Riazor)

-Alumnado de Patinaxe de 9-11 anos, con cambio a 12-17. (Polideportiva núm. 1 Riazor)

Neste caso o alumnado deberá realizar o seguinte procedemento:

• Remitirase por correo electrónico unha ligazón a un formulario de solicitude coas diferentes opcións que deberá ser cuberto e enviado entre o 2 e o 31 de maio.
• Se houbese máis solicitudes que prazas publicarase unha listaxe o 13 de xuño.
• Sorteo o 14 xuño.
• Listaxe de adxudicación o 18 de xuño
• Matrículas: data de matrícula do 20 ao 26 de xuño

2.- Cambio de grupo por idade do alumnado maior de idade

O alumnado poderá realizalo de forma voluntaria ou permanecer no grupo de orixe sempre que o seu estado físico o permita.

O alumnado que decida permanecer no grupo de orixe deberá matricularse nas datas arriba indicadas segundo o procedemento de renovación.

O alumnado que voluntariamente desexe cambiar a grupo de +60 deberá seguir o seguinte procedemento:

• Solicitude na oficina de coordinación das EDM no Palacio de Deportes de Riazor do 2 ao 31 de maio.
• Se houbese máis solicitudes que prazas publicarase unha listaxe o 13 de xuño.
• Sorteo o 14 de xuño.
• Listaxe de adxudicación o 18 de xuño
• Matrículas: data de matrícula do 20 ao 26 de xuño.

3.- Cambios de horario e instalacións

Só se admitirán solicitudes de cambio de horario por motivos de conciliación familiar ou causas de forza maior e atenderase no caso de que houbese praza.

Para optar ao cambio deberá previamente matricularse na súa praza de orixe nas datas indicadas para as renovacións.

• Presentarase na oficina de coordinación das EDM a solicitude do 17 ao 19 de xuño. (Palacio de Deportes de Riazor)
• Se houbese máis solicitudes que prazas:
  • Listaxe Provisional: 21 de xuño.
  • Sorteo: 26 xuño.
  • Listaxe de adxudicación: 28 de xuño.
• Cambio de recibo (confirmación do cambio). Do 1 ao 3 de xullo.

No caso das EDM na Piscina Municipal de San Amaro e no Complexo Deportivo Municipal de San Diego:

• Cambio de hora: deberan solicitarse nas devanditas instalacións.
• Non procede o cambio de instalación.

PAGO DA TAXA CORRESPONDENTE

RENUNCIA Á PRAZA

As persoas que, rematado o prazo de renovación que corresponda, non fixesen o pagamento da taxa correspondente entenderase que renuncian á praza na que podían renovar. A dita praza pasará á convocatoria libre e ofertarase para o curso 2024-25. 

En todo caso, unha persoa que renunciou ou que non renovou unha praza por calquera circunstancia sempre vai poder optar a convocatoria libre por esa ou por outra que saia ofertada.

LIMITACIÓN NO NÚMERO DE ACTIVIDADES POR PERSOA

Para o curso 2024-2025 como norma xeral, establécese a limitación de ocupar como máximo dúas prazas das EDM no mesmo curso, exceptuando:

• As actividades de recuperación funcional e natación prenatal, de forma temporal.

Esta limitación establécese considerando conxuntamente as instalacións deportivas municipais de xestión directa así como os complexos deportivos de San Diego e San Amaro.