O vindeiro mércores 22 de outubro, ás 17:30 horas, celebrarase na Domus unha reunión informativa (presencial e telemática) dirixida ao profesorado e os centros educativos interesados en participar no programa V Concurso Imaxina Coruña 2025-26 .

O programa Imaxina Coruña nace como unha iniciativa municipal de carácter innovador que pretende difundir a cultura científica e tecnolóxica entre o alumnado de secundaria. A organización propoñerá un tema que servirá de marco para que o alumnado participante desenvolva un proxecto orixinal empregando ferramentas científicas, tecnolóxicas e matemáticas (STEM) que teña como finalidade contribuír á resolución dun problema real da sociedade. Na edición deste ano a temática é libre.

O concurso está dirixido a centros educativos públicos e concertados da cidade e a área metropolitana, que conten con grupos de alumnado de ESO e bacharelato.

O prazo de inscrición permanecerá aberto ata o xoves 30 de outubro.

Máis información sobre as bases e ligazón á ficha de inscrición na páxina do programa: V Concurso Imaxina Coruña 2025-26