O programa Vaia Banda consta dun total de 14 sesións para escolares, que levarán a cabo no Centro Sociocultural Ágora.

O alumnado asistirá a unha sesión na que participará nun concerto en modalidade de oínte ou activo, neste último caso compartindo escenario co profesorado da Banda Municipal.

Vaia Banda está dirixido a alumnado de EP e EE de centros da cidade, aínda que tamén poderán asistir centros educativos doutros concellos próximos (terán prioridade os centros da cidade).

As sesións, de 60 minutos de duración cada unha, celebraranse do 3 ao 6 e do 16 ao 18 de marzo de 2026. Haberá dúas sesións diarias, ás 10:00 e 12:00 h.

Inscrición no programa

A inscrición realizarase a través da ficha de solicitude (ata o 7 de novembro). Na inscrición dos grupos seleccionásense 2 sesións preferentes (o mesmo día ou en datas distintas), pero só se adxudicará unha delas.

Unha vez pechado o prazo de inscrición, organizaranse os grupos nas distintas sesións, comunicándose a distribución aos centros e publicándose a información na web.