O programa Chorus - Concerto pola Paz 2026 continúa o seu curso. Tras a celebración dos primeiros seminarios para profesorado e alumnado os días 29 e 18 de outubro, respectivamente, chega a quenda do segundo seminario.

• O seminario intercentros de preparación de canto coral dirixido ao alumnado inscrito desenvolverá a súa 2ª sesión o sábado 8 de novembro, no auditorio do Conservatorio PROFESIONAL de música da Coruña.
• Pola súa banda, a segunda sesión do seminario intercentros de dirección de coral infantil dirixido ao profesorado de música dos centros educativos inscritos terá lugar o vindeiro mércores 12 de novembro, no Conservatorio SUPERIOR de música da Coruña.

Ambos os seminarios serán impartidos por Fernando Briones, catedrático de dirección do Conservatorio Superior de Música da Coruña.

IMPORTANTE: O seminario dirixido ao alumnado terá lugar no Conservatorio PROFESIONAL de música da Coruña (Praza do Conservatorio s/n., 15001, A Coruña), mentres que o seminario dirixido ao profesorado celebrarase no Conservatorio SUPERIOR de música da Coruña (Rúa Manuel Murguía, 44, 15011, A Coruña).

Máis información na páxina do programa: Chorus - Concerto pola Paz 2026 .