O pasado luns 3 de novembro, os nenos e nenas da EIM Arela atopáronse nas aulas unha serie de obxectos misteriosos: estrelas, cabazas pintadas con lunares, libros, coroas de flores, pinceis...

O misterio foi resolto ao día seguinte, coa visita da bibliotecaria Sulema, que trouxo explicación a todas as cousas atopadas o día anterior: cada unha delas pertencía a unha muller ilustre da historia.

Deste xeito, esta será a temática da EIM Arela para este curso: mulleres que cambiaron o mundo. Se visitamos este ano a escola atoparémonos coas aulas de Jane Godall, Cleopatra, Rosalía de Castro, María Pita, Yayoi Kusama, Frida Kahlo, Hipatia e Marie Curie.