O pasado venres 21 de marzo, a Escola Infantil Municipal Arela acolleu un taller de cociña solidario para nenos e nenas de 2 anos. A actividade foi organizada pola ANPA da escola en favor do proxecto Fitas de Vento, que ten como obxectivo xerar un espazo de intercambio entre escolas infantís galegas e africanas.

O taller, que contou cunha gran participación por parte das familias, estivo impartido por Mayte Fernández, profesora de cociña con ampla experiencia con nenos/as.

O diñeiro recadado destinarase á escola infantil CEI AMAM, de Tete, Mozambique.