Feira de Ideas e entrega de premios do "V Concurso Imaxina Coruña".

• A feira Imaxina Coruña celebrarase en horario de mañá nas instalacións da Domus.
• Aos proxectos finalistas facilitaráselles un espazo (posto) rotulado co nome do centro ao que representan, así como co título do proxecto.
• Neste espazo, o alumnado presentará ao público os seus proxectos, podéndoos acompañar de vídeos expositivos, materiais publicitarios, audiovisuais, teatrais ou calquera outra ferramenta ou medio que se estime oportuno co fin de conseguir un maior atractivo e atención sobre a súa proposta.
• Un xurado júnior composto por un mínimo de 3 mozos/os con experiencia en actividades científicas (membros do club da ciencia, participantes en feiras científicas, premiados en proxectos de ciencias ou tecnoloxía, STEMBac...), asesorados por persoal dos Museos Científicos, visitarán os espazos de exposición para valoralos.
• Unha vez visitados os espazos, o xurado retirarase a deliberar para comunicar o veredicto dos proxectos premiados. Para a devandita valoración o xurado deberá ter en conta: a autenticidade das investigacións, a súa orixinalidade, o seu rigor científico e tecnolóxico, o sentido crítico, a súa viabilidade, capacidade para mellorar a vida das persoas e todos aqueles aspectos que demostren curiosidade e constancia.
• O xurado levantará acta do desenvolvemento e conclusións do fallo, para o que actuará de secretario un/a técnico/a de o SME.
• A decisión do xurado será inapelable. Pódese declarar deserto algún dos premios se así o considera.

Máis información na páxina do programa: V Concurso Imaxina Coruña 2025-26