Actividades extraescolares

Deporte no Centro:

• Descrición: actividades físico-deportivas nas instalacións do propio centro e adaptadas ás posibilidades que ofreza a súa infraestrutura.
• Destinatarios: alumnos de segundo ciclo de educación infantil, educación primaria e educación secundaria obrigatoria.
• Horario: dúas horas alternas á semana entre as 16:00 h. e as 18:00 h. do 1 ó 15 de outubro a 15 de xuño.
• Inscrición: en APA do centro.
• Titularidade: FAPA e Servizo Municipal de Educación.

Admisión de alumnos:

Necesítase un informe que demostre que ese neno necesita un centro específico. Os pais poden acudir directamente ao centro e alí informaráselle de todo e mostraránselles as instalacións.

Datos de interese:

• Colexio de carácter mixto, para nenos (3-21 anos) xordos ou deficientes auditivos contando con 3 sectores de atención:
• Integración total.
• Integración combinada.
• Centro de Recursos de Educación Especial para as Patoloxías dela Audición e a Linguaxe (CRE-PAL).
• Dispoñen tamén dun servizo de Atención Temperá para nenos de 0 a 5 anos.
• É o único centro de Galicia que ten a ESO completa para nenos con deficiencias auditivas.
• Ten ademais aloxamento na residencia do Burgo para os nenos que son de fóra da Coruña.

Centro de Recursos de Educación Especial para as Patoloxías da Audición e a Linguaxe (CRE-PAL):

• Atención a alumnos desde os 0 anos con problemas de audición e/ou linguaxe, con expreso permiso da administración educativa, en réxime ambulatorio e en horario de 15:00 h. a 20:00 h. en sesións de media hora para aqueles alumnos escolarizados en centros docentes da zona ou comarca.
• Control audiométrico e control de rendemento dos audífonos por medio de campo libre.
• Atención rehabilitadora de implantes cocleares.
• Préstamo de bibliografía especializada a profesores de zona ou comarca.
• Información e mostra de aparellos e materiais específicos para a rehabilitación da linguaxe e audición a profesorado de zona e comarca.
• Información e cesión a Colexios da zona e comarca de programas informáticos especialmente indicados para esta rehabilitación previo compromiso dunha avaliación de tipo trimestral dos rendementos e posibilidades da aplicación e posibles melloras dos programas achegados.