O alumnado analizará situacións reais e próximas relacionadas co consumo, identificando os dereitos e deberes que interveñen en cada caso. A través de exemplos prácticos e dinámicas participativas, traballarase a detección de posibles conflitos (produtos defectuosos, incumprimentos de condicións, publicidade enganosa etc.) e a forma adecuada de actuar ante eles.

Así mesmo, exporanse casos prácticos nos que o alumnado deberá tomar decisións, argumentar as súas respostas e propoñer solucións, fomentando o pensamento crítico e a participación activa. Promoverase tamén o coñecemento dos mecanismos básicos de protección das persoas consumidoras e a importancia de actuar de maneira informada e responsable nas relacións de consumo.