Esta actividade baséase na técnica psicopedagóxica de reforzo positivo e negativo, na procura dunha aprendizaxe significativa por descubrimento.

Neste tramo de idades o alumnado comeza a aoptar máis autonomía como peóns e, por tanto, maior conciencia da súa contorna, á vez que empeza a utilizar a bicicleta non só como elemento de xogo senón como vehículo. Aproveitando a súa gran curiosidade é importarche guiarlles na súa interacción coa rúa, co tráfico, e aprender a participar como cidadás e cidadáns activos velando pola súa seguridade e, ao mesmo tempo, propoñendo desde unha postura crítica solucións para conseguir unha cidade cunha mobilidade amable e sustentable.

ACTIVIDADE:

A actividade consiste en dividir o alumnado en dous grupos. Un dos grupos terá un "boletín de denuncias simbólico", co que poderán denunciar todas aquelas accións que consideren inconvenientes e sancionables, mentres que o segundo grupo dispoñerá dunha flor feita na clase, que repartirá aos cidadáns e cidadás premiando as condutas cívicas e que promovan a mobilidade sustentable.

• Charla de sensibilización no centro educativo sobre a movilidade segura e sustentable.
• Percorrido polas proximidades dos Cantóns, dividindo ao grupo, que irá vestido con chalecos policiais, en dous. Un deles terá que denunciar "simbólicamente" as accións que consideren inconvenientes (vehículos estacionados en pasos de peóns, tirar papeis á beirarrúa...), mentres o outro grupo premiará cunha flor as condutas percibidas como cívicas (usar o bus urbano, a bicicleta, camiñar cara ao traballo e a escola, respectar os semáforos...).
• A continuación, os dous grupos terán que encher de forma conxunta un formulario no que sinalarán o número de denuncias postas e premios repartidos, así como a súa valoración sobre o resultado.
• Finalmente, terán que entregar o formulario por rexistro nas dependencias municipais do propio Concello, indicando ademais algunha suxerencia para a mellora da mobilidade sustentable na nosa cidade.