Trátase dun percorrido polo romántico Xardín de San Carlos, que lles permitirá descubrir a sorprendente historia que esconde a tumba do xeneral inglés Sir John Moore. Rastrexando estes xardíns, descubriremos a orixe, a historia e o misterio que garda o mausoleo situado sobre a antiga polvoreira da nosa cidade.

Divídese en dúas actividades ben diferenciadas, que se desenvolverán en espazos diferentes:

• Xardín de San Carlos: a actividade é un xogo de pistas visuais e prantéxase paradescubrir e coñecer a través do xogo e a observación, os diferentes elementos históricos, culturais e botánicos que compoñen o Xardín de San Carlos e que esconden parte do pasado e presente da nosa cidade.
• Museo Militar: a visita ao museo centrarase basicamente na maqueta da Batalla de Elviña, na que fai máis de douscentos anos morreu Sir Jonh Moore. Debido a que o espazo ao redor da maqueta é bastante reducido, un grupo estará a coñecer a historia arredor da maqueta e o outro realizará un xogo de coordinación-cooperación para coñecer os diferentesrangos militares do exército de terra.