O programa consiste en:

1. Un seminario intercentros de dirección de coral infantil dirixido ao profesorado de música dos centros educativos, impartido por Fernando Briones, catedrático de dirección do Conservatorio Superior de Música da Coruña, que se desenvolverá en dúas sesións, de 7 horas de duración total, os días 29 de outubro e 12 de novembro, de 17:30 a 21:00h, no auditorio do Conservatorio SUPERIOR de Música da Coruña, dirixida devandito profesorado e nas posteriores sesións preparatorias do alumnado que se indican na punto 2.

A Concellería de Educación xestionou coa Consellería de Educación, a través do Centro de Formación e Recursos da Coruña, a formalización das correspondentes certificacións da formación ao profesorado participante neste seminario.

2. Outras 4 sesións preparatorias de canto coral destinadas ao alumnado (xunto co profesorado de música), de 75 minutos de duración, no auditorio do Conservatorio Profesional de Música da Coruña.

As datas das sesións serían os seguintes sábados 18 de outubro, 8 e 22 de novembro e 20 de decembro, en horario de mañá, que será comunicado aos centros educativos con antelación.

As persoas responsables de impartir estas 4 sesións preparatorias serán o director do Coro Gaos, Fernando Briones, xunto a un equipo de directores coordinados por el.

3. E, como obxectivo principal do programa, a celebración dun concerto final, previsto para o domingo 11 de xaneiro de 2026, ás 19:00h, aberto ao público, no Coliseum da Coruña (con varios ensaios previos, que se celebrarán entre o 7 e o 10 de xaneiro).

O alumnado participante cantará xunto ás voces dos Nenos Cantores da OSG, o Coro Xove da OSG, os MiniGaos, Coro Gaos Xove, e Coro Gaos, acompañados da Orquestra Sinfónica de Galicia.

O tema deste concerto anual será facer un chamamento á paz, polo que o repertorio do mesmo alternará pezas relacionadas coa paz, xunto con outras recoñecidas obras.

CONDICIÓNS DO PROGRAMA

Os proxenitores ou titores do alumnado participante no programa darán o seu consentimento ou rexeitarán por escrito a captación da imaxe e a voz do menor de idade, a título individual ou formando parte dun grupo, durante o desenvolvemento das actividades deste programa e o seu uso para campañas de difusión ou promoción, garantindo sempre os dereitos dos menores.

Para iso, deberan entregar a autorización (que aparece como documento anexo) o primeiro día que asistan á sesión preparatoria de canto coral destinada ao alumnado